Samir Babayev – Müsəlman Birliyi Hərəkatının üzvü Həbs olunma tarixi: 6 mart 2026-cı il İttiham: Azərbaycan Respublikası Cinayət Məcəlləsinin 234.4.3-cü (Qanunsuz olaraq narkotik vasitələri, psixotrop maddələri hazırlama, əldə etmə, saxlama, daşıma, göndərmə və ya satma külli miqdarda törədildikdə) maddəsi ilə.
Bakı Şəhər Sabunçu Rayon Məhkəməsi 7 mart 2026-cı il tarixdə istintaqın təqdimatını təmin edərək Samir Babayevin barəsində ibtidai istintaq zamanı 4 ay müddətinə azadlıqdan məhrum etmə növündə həbs qətimkan tədbiri seçib.
Saxlanılan yer: Bakı şəhəri, Sabunçu rayonu Kürdəxanı qəsəbəsindəki 1 saylı İstintaq Təcridxanası 208 Nəticə: 44 yaşlı MUM üzvü Samir Babayev 2022-ci ildə həbs edilib, amansız işgəncələrə məruz qalıb, 2023-cü ilin oktyabrında isə 4 il müddətinə azadlıqdan məhrum edilib.
Sonradan onun cəzası 3 ilə endirildi, lakin son 1,5 ildə məhkəmənin yeni qərarı ilə cəzasını qapalı Qobustan həbsxanasında çəkdi.
O, 2 dekabr 2025-ci ildə azad edilib.
Ancaq o, yalnız qısa müddətə – cəmi üç ay azadlıqda qaldı.
O, 2026-cı il martın 6-da səhər saatlarında işə gedərkən Bakı şəhəri Sabunçu Rayon Polis İdarəsinin əməkdaşları tərəfindən saxlanılıb.
Babayevin yaxınları onun saxlanmasını belə izah ediblər: “O, mülki geyimli şəxslər tərəfindən iki maşınla yaxınlaşaraq zorla aparıblar.
Ailəsinə heç bir məlumat verilməyib, onun hara aparıldığı, məqsədinin nə olduğu, maşında kimin olması barədə məlumat verilməyib.
Cəmi iki gün sonra məlum oldu ki, o, narkotik maddə saxlamaqda ittiham olunaraq həbs edilib və artıq Kürdəxanıdakı istintaq təcridxanasına köçürülüb”. Yaxınlarının verdiyi məlumata görə, ailə üzvləri ilə görüş zamanı S.
Babayev törətmədiyi cinayəti boynuna almağa məcbur etmək üçün ona zorla narkotik maddə verildiyini və işgəncələrə məruz qaldığını bildirib.
O, avtomobildə saxlandıqdan dərhal sonra döyüldüyünü bildirib: “Məni işə gedərkən Bakı Şəhər Sabunçu Rayon Polis İdarəsinin əməkdaşları oğurladılar.
Mən maşında olarkən məni döyüb boğdular.
Məni 14 saylı Polis Bölməsinə apardılar, orada Süleyman Abbasov adlı zabit məndən narkotik istifadəçisi olduğumu etiraf etməyi tələb etdi.
Mən bunu etməkdən imtina etdim.
Sonra məni döyməyə başladılar və mənə narkotik maddə verdilər.
Məni boş vərəqə imzalamağa məcbur etmək istəyirdilər.
Sonra məni Bakı Şəhər Sabunçu Rayon Polis İdarəsinin müvəqqəti saxlama təcridxanasına apardılar”. Samir Babayev daha sonra ailəsinə bildirib ki, “Polislər vəkilimin prosesə gəlməsinə icazə vermədiyi üçün etiraz olaraq hakimə arxa çevirdim.
Elan olunan hökmdən sonra polis məni çıxarıb sanitar qovşağına gətirdi, qapını bağlayıb döyməyə başladı.
Başımı tualetə itələməyə qədər irəli gediblər.
Dedim ki, xəbər verəcəyəm, ancaq bundan sonra dayandılar”.
