DÇ-2026: Türkiyə millisi ilk oyunda Avstraliyaya məğlub oldu

Futbol üzrə 2026-cı il Dünya çempionatında Türkiyə milli komandası turnirə məğlubiyyətlə başlayıb.

D qrupunda keçirilən qarşılaşmada Türkiyə yığması Avstraliya seçməsi ilə üz-üzə gəlib. Kanadanın Vankuver şəhərindəki “BC Place Vancouver” stadionunda baş tutan oyunda “ay-ulduzlu” komanda rəqibinə 0:2 hesabı ilə uduzub.

Matçda hesabı 27-ci dəqiqədə Avstraliya millisinin futbolçusu Nestori İrankunda açıb. Qarşılaşmanın 75-ci dəqiqəsində isə Konnor Metkalf fərqlənərək komandasının üstünlüyünü möhkəmləndirib.

Beləliklə, Türkiyə millisi DÇ-2026-da ilk görüşündən xalsız ayrılıb.

Qrupun digər oyununda isə ABŞ millisi Paraqvaya böyük hesabla qalib gəlib. Amerikalılar rəqibini 4:1 hesabı ilə məğlub ediblər.