Elxan Əliyev – Azərbaycan Xalq Cəbhəsi Partiyasının üzvü Həbs olunma tarixi: 26 iyul 2023-cü il İttiham: 178.3.2-ci (Dələduzluq, yəni mütəşəkkil dəstə tərəfindən aldatma və ya etibardan sui-istifadə etməklə başqasının əmlakını saxlama və ya başqasının əmlakını satın alma); 320.1 (Saxta şəhadətnamə və ya hüquq verən və ya rüsumdan azad edən digər rəsmi sənəd, həmin sənəddən istifadə etmək və ya satmaq, habelə eyni məqsədlərlə Azərbaycan Respublikasının saxta dövlət mükafatlarını, ştamplarını, möhürlərini, blanklarını hazırlama və ya satma) və 320.2 (Azərbaycan Respublikasının açıq-aşkar saxta sənədlərdən istifadə).
Bakı Şəhər Sabunçu Rayon Məhkəməsi 27 iyul 2023-cü il tarixdə Elxan Əliyev barəsində 3 ay müddətinə həbs qətimkan tədbiri seçilib.
Sonradan istintaq zamanı həbsdə saxlanma müddəti bir neçə dəfə uzadılıb. Hökm: 1 aprel 2024-cü il tarixdə Bakı Ağır Cinayətlər Məhkəməsi hökm çıxarıb: Ağalar Ağayev bütün ittihamlar üzrə təqsirli bilinərək, cəzasını ümumi rejimli cəzaçəkmə müəssisəsində çəkməklə 5 il müddətinə azadlıqdan məhrum edilib.
Hakim: Leyla Əsgərova-Məmmədova Həbs yeri: Bakı şəhəri, Əzizbəyov rayonu, Binə qəsəbəsindəki 17 saylı Cəzaçəkmə Müəssisəsi Nəticə: Elxan Əliyev 26 iyul 2023-cü il tarixdə günorta saatlarında Bakı Şəhər Sabunçu Rayon Polis İdarəsinin əməkdaşları tərəfindən saxlanılıb.
Daxili İşlər Nazirliyinin mətbuat xidmətindən verilən məlumata görə, Əliyevlə yanaşı Yusif Əliyev və Vəfadar Axundov da saxlanılıb.
DİN-in versiyasına görə, onların hər üçü saxta sənədlərlə Nardaran qəsəbəsində torpaq sahəsini satmaqda şübhəli bilinib.
Əliyev saxlanılmazdan əvvəl ona qarşı mümkün təxribatdan danışdığı video yayıb.
Vəkil Neymət Kərimlinin sözlərinə görə, müdafiə etdiyi şəxs ittihamı rədd edib və həbsinin siyasi xarakterli olduğunu bildirib: “Elxan Əliyev ittihamın qondarma olduğunu bildirib.
O, ittiham olunduğu cinayətləri törətməyib.
İstintaq A.Əliyevin təqsirini təsdiq edən ilkin etibarlı sübut təqdim etməyib.
Fəal bildirib ki, AXCP-dəki siyasi fəaliyyətinə görə siyasi motivlərlə təqib olunur”.51 Vəkil məxfilik sazişinə istinad edərək işin təfərrüatlarını açıqlamayıb, apellyasiya şikayəti verəcəyini bildirib.
Qeyd edək ki, Elxan Əliyev dəfələrlə inzibati həbslərə məruz qalıb.
Belə ki, 2021-ci ilin oktyabrında o, polisə tabe olmamaq ittihamı ilə 15 sutka, həmin ilin dekabrında isə mitinqdə iştirak etdiyinə görə Əliyev 20 sutka həbs edilib.
2022-ci il martın 19-da Elxan Əliyev polisə tabe olmamaq və xuliqanlıq ittihamı ilə 30 sutka müddətinə həbs edilib.
Həbs edildikdən sonra Əliyev hüquq-mühafizə orqanlarının əməkdaşlarından şübhələnərək avtomobilindən 2500 manat (1500 dollar) itdiyini iddia edib.
O, təcridxanada olarkən həbsinə və pulun yoxa çıxmasına etiraz olaraq aclıq aksiyasına başlayıb.
