Xəbərlər

Özbəkistan universitetində tələbələrdən hicabı çıxarmaq tələb olunur

Hörümcək • 13.11.2026 • 🕒 2 dəq oxuma

Özbəkistanın Mirzə Uluqbəy adına Milli Universitetində hicab taxan tələbə qızlardan baş örtüyünü çıxarmağın tələb edildiyi bildirilir.

Bununla bağlı sosial şəbəkələrdə yayılan videoda universitet nümayəndələrinin bir qrup tələbə ilə söhbəti əks olunub.

Görüntülərdə universitet nümayəndələrindən biri ali məktəbdə müəyyən edilmiş etika və intizam qaydalarının olduğunu bildirir.

“Bizə də bunu sizə demək xoş deyil, amma etika və intizamla bağlı müəyyən edilmiş qaydalar var”, – videoda universitet nümayəndəsinin dediyi eşidilir.

Sosial şəbəkələrdə yayılan məlumatlara görə, tələbələrlə görüş oktyabrın 13-də keçirilib.

Videodan hicabı çıxarmaqdan imtina edən tələbələrə qarşı hansı tədbirlərin görüləcəyi aydın olmur.

Noyabrın 12-dək universitet rəhbərliyinin sosial şəbəkələrdə yayılan görüntülərlə bağlı açıq açıqlama verdiyi barədə məlumat olmayıb. Universitetin rəsmi saytında da məsələ ilə bağlı ayrıca izahat dərc edilməyib.

Paylaş:

Əlaqəli Məqalələr