Tramp: “İranın dəniz və hava qüvvələri artıq mövcud deyil”

ABŞ Prezidenti Donald Tramp İranın hərbi imkanları ilə bağlı sərt açıqlama verib.

Tramp sosial şəbəkə hesabında paylaşdığı bəyanatda bildirib ki, İranın dəniz və hava qüvvələri “artıq mövcud deyil” və ölkənin silahlı qüvvələri “tam xaos içindədir”.

Onun sözlərinə görə, İranın donanması və hava qüvvələri ciddi şəkildə zəiflədilib və “praktik olaraq darmadağın edilib”.

ABŞ Prezidenti əlavə edib ki, Tehran uzun müddətdir danışıqları uzadır və bunun nəticələrini “indiki vəziyyətdə ödəyəcək”. O, İranı danışıqlar prosesində daha konstruktiv mövqe sərgiləməyə çağırıb.